上個月新年期間又去台北旅遊，臨出發前朋友媽媽睇到雜誌介紹台北呢間新式火鍋店.
睇到好似花藝甘擺盤的菜式應為天人，我同朋友話一定要去試，仲提早打電話去訂咗位.
寬巷子捷運士林站附近，行2分鐘就到.
外表好低調隱藏在小巷子裡
餐廳裝修簡潔明快，以木紋為主調,溫暖而帶質感.
比較mdern 新派火鍋店，冇任何油煙味的殘留，一開始就令我們印象大好。
例牌紅白鴛鴦鍋，紅鍋麻辣不油膩，層次分明，我們覺得比昨晚吃的鼎王還好.
白鍋－係人參鍋，清淡d 但唔寡口，淥清淡d 的海鮮好配合，不會蓋晒海鮮的鮮甜.
裡面成隻鮮人參，絕不欺場.
從呢個鮮蔬菜綜合盒上檯開始，我們三個女人不斷『wi wah 鬼叫』
‘好靚吖！好有藝術感呀！唔捨得點算’ 重復幾十次...
好！大家請體驗下擺盤的美學享受！
綜合蔬菜盒，根本就是插花藝術吧，明顯睇到店家的誠意，全部蔬菜都非常新鮮，份量又大，擺盤又靚！
紅花－係新鮮辣椒，除了後面的乾枝，全部都可以食.
九孔（鮮鮑魚）經理見我們是遊客還特意過來介紹擺盤的材料. 黑色那塊真係估佢唔到，原來係海底沈木，一般養魚缸用來擺設.
羊肉－肉質高品質，唔似急凍解凍品.
墨魚條
呢個軟絲（魷魚)出，我們又癲咗，好靚的玫瑰，師傅一定係藝術家喇，靚到甘
轉個角度睇，都藝術感一流
杏香野菊－呢個又係呢度招牌菜，靚！靚！ 靚！
我們討論究竟由咩構成，經理揭開謎團.
上面黑色花芯－紫粟米粒，白色花瓣－係杏仁片用火槍微燒黑邊. 下面係蝦肉外包茄子片.
設計呢個菜式的人創意實在太高，佩服！還沒有吃，我們眼睛已經滿足了
呢個又係招牌之一 波波糖，外面是菠菜，裡面係腐皮包著芝麻醬，多重口感，好味呀！
呢三個菜式，我們影相超過半個鐘吧，哈哈，大家好興奮！
少不了，腐皮都有靚靚擺盤的.
好豐富的一餐，原本以為這些菜式搞擺盤這麼美成本高，份量應該不多.
但原來每道菜份量都不少，我們三個大胃王都吃不完.
當然，視覺分－滿分，味道也滿分，所有食材都新鮮美味，湯底也很有足料醇厚,鴨血和豆腐不斷免費添加給我們.
下次去台北，鼎王已經bye bye ，呢間我們還會再訪！
超級推薦呀！ 大家去台北一定要試下！
寬巷子鍋品美食
留言列表
{{ article.title }}