幸運的我好符碌地搶到LC cooking class 的名額,
哈哈,我根本冇睇上咩堂,就先搶報咗最熱門的星期六下午3:00-4:30 呢堂。
好在係我最想上的中式菜。
kitty 好好人,大家問咗好多唔關呢堂的問題,佢都好nice 解答我哋D問題,
有個同學仔話煎蛋會痴地,咁佢又示範下點可以唔痴。(加堂 )
有同學仔問整煲仔飯點可以唔要飯焦,kitty 又加堂示範咗。
好,今次其實我哋主要學整兩道餸:花雕煲仔蛋 & 豉汁煎鯧魚
材料好簡單:一只蛋加100 ml 史雲生清雞湯
鍋具:32 cm Marmite & 16 cm round 煲中煲
水滾,16cm 放入大煲 中火燉5分鐘,再熄火焗5分鐘。
超超超簡單,又好味,最緊要係好似豆腐花咁滑,,一滴倒汗水都冇。正!
2)豉汁煎鯧魚
食材:鯧魚---一定要抹到超超超乾身(咁煎個陣先唔會好大煙)
配料:蔥&莞茜
調味料:生抽/麻油/蒜蓉辣椒豆豉醬/水/生粉/糖/鹽---混和一起調味
下面裝魚個LC白色碟幾靚啵
坑紋grill pan ,kitty 話用坑紋就減少pan同魚的接觸面,防止受熱面太大,魚的肉汁太快流失就肉質會鞋(同煎牛扒一樣道理)
要捨得落油,用油掃掃勻整個pan(凍鍋落油)
燒紅grill pan 到大熱並開始霧煙,把魚放入煎5分鐘(單面,不能翻面,要有耐性)
翻到另外一面再煎5分鐘。
將莞茜和蔥放入醬汁,再一齊倒入鍋中,熄火就ok (鍋的餘熱足夠令蔥同莞茜煮熟並散發香氣)
煎魚時間要視乎條魚的重量,kitty 示範個條大約12兩,就煎5分鐘。
記得:LC grill pan 好存熱,足夠煎到條魚外脆內嫩。(條魚千祈唔好界花,魚汁好快流失,魚肉就會鞋)
週日,懶鬼的我難得立即煮黎教功課。
我買條魚大約11兩 ,就兩面各煎4分半鐘。
算是很成功,除了條魚抹得仲唔夠乾,大煙咗少少。
仲有跟kitty 教唔痴底煲仔飯,中火爆滾水,開蓋筷子攪起D 米,等D 水收到差唔多到米面,就合蓋逼到個煲出到第一水淚(會唔會抽象咗D 呢,但我真係唔識點形容)熄火,唔好開蓋,搬個煲離開個爐。等15-20分鐘,就有'靚仔'食。
呢個方法最好就係煮一煲唔遲底白飯只需要10分鐘,就熄火等佢自己焗15-20分鐘。真係快靚正,又唔會阻住個爐頭。
同場加映,26cm Marmite (黑琺瑯)新煲入屋
想買黑色琺瑯超鍋好耐,兩次開倉都唔見到有,呢個月有6折,唔買唔得喇。
但今次其實唔使我俾錢,因為朋友想買個大少少湯煲,睇中我個倉底30cm oval .哈哈
天助我也,一煲換一煲,皆大歡喜!
*********************************************************************** '外貌協會'的我不否認一開始鍾意買LC 係覺得佢好靚 但慢慢用到上手之後,覺得真係好好用。 暫時最有成功感係我個pan 已經養到好似易潔pan 咁唔遲底 雖然響香港買LC 唔算最便,但LC's customer service 真係唔錯,令咁多LC fans 買得開心,用得放心。 好似呢d 免費cooking class 上堂期間,有d walk in客人都可以問下kitty 問題 ,大家都討論下使用心得,真係幫到我哋呢D 烹飪新手唔少。 我唔敢期望自己廚藝突飛猛進,但起碼對烹飪都有咗基本概念同興趣 各位LC 粉絲 sis,happy cooking & happy shopping
留言列表